2010 Egypt

هاحكيلكو حكاية صغيرة في حجمها كبيــــــــــــره اوي في معناها عندي

من كام يوم واحد صاحبي بعتلي نكتة .. كانت حلوة ضحكت عليها شوية و بعد كده لقيتني عمال افكر فيها كتير و بغوص في معناها … حسيت اني جزء منها و مش اى جزء ده انا الجزء المهم منها و برده مش انا لوحدي دا انتم كمان نفس الجزء ده

هاقولكم النكتة الأول

مره طرازان راح هو و مجموعة من اصحابه اللي فالغابة يستحمو في البحيرة

و اول لما خلع القماشة اللي هو رابطها على وسطه ” اللي انا نفسي انه يخلعها على طول ” كل اصحابه ضحكو عليه و قالوله كلنا عندنا ديل من ورا و انت عندك ديل من قدام

….

بس بقى كفايه ضحك كده

انا فين هنا بقى .. انا طرزان و أهلي هما اللي معايا فالغابة .. طبعا بغض النظر عن عضلات طرزان و شعره و انه مز جدا .. انا كنت الجزء المختلف في عائلتي و مجتمعي لدرجة اني فعلا كنت متأكد ان المشكلة عندي مش عندهم و اني انا اللي مختلف واني لازم اداري عيبي الخلقي ديما زي ما طرازان على طول لابس القماشة و مداري بيها اللي اهله ماقدروش يفهموه فا اعتبره تشوه خلقي لازم يداريه

بس هو كده طبيعي وانا برضه طبيعي .. يعني مش علشان انا بحب بطريقة مختلفة عنهم ابقى صاحب عاهة لازم اداريها ولا احس بالعار او اعيش حياتي بوشين وش اللي اهلي عايزين يشوفوه و وشي الحقيقي اللي بسرق لحظات قليلة من الزمن علشان اظهر بيه في حتة محدش يقدر يشوفني فيها و اكون مرعوب ان حد يشوفني ويعرفني

لو رجعنا لقصة طرزان هنلاقي انه اول لما شاف ناس زية هجم عليهم وكان ضدهم علشان هو كان مقتنع انه مصدر الفساد فالارض و هو العار وهوكل حاجة سلبية لمجرد انه بيحب بطريقة مختلفة عن اهله اللي اتربى في وسطهم

بس لما راح معاهم اكتشف انه طبيعي و انه حقه يعيش فالنور ويكشف وشه للناس كلها

قبل ما نتقابل السنة اللي فاتت فالكامب انا كنت عامل زي طرزان اول ما شاف البني أدميين حاسس بشيء بيربطني بيهم بس مش قادر اقترب او حتى ابطل هجوم عليهم بس لما رحت الكامب و قابلتكم عرفت اني مش مشوه خلقيا ولا صاحب عار .. بالعكس عرفت اني بحب اهلي جدا وصعبانين عليا علشان مايقدروش يفهمو اني كده طبيعي واني انتمي لناس قادرة تستوعب الفرق وتاخذني لأرض ومجتمع كل الناس اللي فيه عنداها ديل من قدام

..

عندكم انا عملت عيله جديدة اعيش فيها كاشف وشي الحقيقي و انا مطمئن .. انا ابن منطقتنـــــــا

جهـــــــــــــــــاد